किलबिल च्या ऋषिकेश सूर्यवंशी ची चमकदार कामगिरी

अहमदपूर (गोविंद काळे) : 68 वी राष्ट्रीय ज्युनिअर बॉलबॅडमिंटन अजिंक्यपद स्पर्धा पटना बिहार येथे नुकतीच आयोजित करण्यात आली होती. राष्ट्रीय अजिंक्यपद स्पर्धेमध्ये महाराष्ट्र संघाला तृतीय स्थान प्राप्त झाले आहे. तसेच मिश्र दुहेरीमध्ये सुद्धा तृतीय स्थान प्राप्त केले. खेळाडूंनी राज्य संघाला समिश्र यश प्राप्त करून दिले. सदरील संघात किलबिल नॅशनल स्कूल शाळेचा ऋषिकेश विलास सूर्यवंशी या खेळाडूने नेत्रदीपक कामगिरी करत संघाला विजय मिळवून दिला. त्याला मार्गदर्शक पोलीस अधिकारी असद शेख यांचे अनमोल मार्गदर्शन लाभले. त्याच्या या यशाबद्दल संस्थचे सचिव ज्ञानोबा भोसले, प्राचार्य संतोष पाटील, पर्यवेक्षक महावीर गोडभरले व शाळेतील संपूर्ण क्रीडा विभागाकडून अभिनंदन करण्यात आले.