मतदान करणाऱ्या विद्यार्थ्यांसाठी शिवाजी महाविद्यालयात मतदान सेल्फी पॉईंट.

उदगीर (एल.पी.उगीले) शिवाजी महाविद्यालयात मतदान टक्का वाढावा यासाठी निवडणूक साक्षरता मंडळ व जिल्हाधिकारी तथा जिल्हा निवडणूक अधिकारी लातूर अंतर्गत सेल्फी पॉईंट ची स्थापना करण्यात आली. या सेल्फी पॉईंटचे उद्घाटन महाविद्यालयाचे प्रभारी प्राचार्य डॉ.अरविंद नवले यांच्या हस्ते करण्यात आले. यावेळी उपप्राचार्य डॉ.मांजरे आर एम यांची प्रमुख उपस्थिती होती. महाविद्यालयाच्या वतीने 7 मेला मी मतदान करणारच,भारतीय लोकशाही बळकट करणारच, या विचारधारेने विद्यार्थ्यांना शपथ देण्यात आली. यावेळी विद्यार्थ्यांनी मतदार राजा जागा हो,लोकशाहीचा धागा हो. अशा घोषणाही दिल्या. या कार्यक्रमाला महाविद्यालयातील प्राध्यापक, कार्यालयीन कर्मचारी ,शिक्षकेत्तर कर्मचारी व विद्यार्थी मोठ्या संख्येने उपस्थित होते.