विद्यावर्धिनी विद्यार्थ्यांचा गौरव

उदगीर (एल.पी.उगीले)
येथील किसान शिक्षण प्रसारक मंडळ उदगीर द्वारा संचलित विद्यावर्धिनी हायस्कूल या शाळेतील सहावी या वर्गातील विद्यार्थ्यांनी वर्षभरातील वर्ग कार्य, गृहपाठ, विविध कार्यक्रम सहभाग, प्रश्न उत्तरे पाठांतर, विविध अभ्यासक्रमावरील प्रात्यक्षिक कार्य, व घटक चाचणी क्रमांक एक, प्रथम सत्र परीक्षा, द्वितीय घटक चाचणी परीक्षा इत्यादी दिलेले कार्य, परीक्षेत चांगल्या गुणांनी यश मिळवलेल्या विद्यार्थ्यांचा मुख्याध्यापक व्ही.एम बांगे यांच्या हस्ते विविध संस्कारक्षम,वाचनीय पुस्तक देऊन गौरव करण्यात आला, जे पुस्तक वाचल्यानंतर विद्यार्थ्यांच्या जीवनाला कलाटणी मिळेल अशी विविध पुस्तके देऊन पुनम स्वामी,श्रावणी मंदे,दापके साक्षी, हर्षद उळागड्डे,ओमकार गिरधवाड,आरुषी भोईनवाड यांचा गौरव करण्यात आला.या विद्यार्थ्यांना एन.आर जवळे यांचे मार्गदर्शन लाभले.