मतदान प्रक्रियेतील कर्मचारी व अधिकाऱ्यांसाठी प्रथम प्रशिक्षण पूर्ण
उदगीर (एल पी उगिले)
लातूर लोकसभा मतदारसंघातील उदगीर विधानसभा मतदारसंघ अंतर्गत असलेल्या मतदान केंद्रावरील सुरळीतता आणि व्यवस्थित मतदान प्रक्रिया पूर्ण व्हावी, यासाठी मतदान केंद्राध्यक्ष, मतदान अधिकारी, सहाय्यक यांचे प्रथम प्रशिक्षण उदगीर येथील पोस्ते पोद्दार सीबीएससी स्कूल येथे उपविभागीय अधिकारी तथा सहाय्यक निवडणूक निर्णय अधिकारी सुशांत शिंदे, परिविक्षाधीन जिल्हाधिकारी नमन गोयल यांच्या प्रमुख मार्गदर्शनाखाली संपन्न झाले. या प्रशिक्षणासाठी मार्गदर्शक म्हणून उदगीर चे तहसीलदार राम बोरगावकर, जळकोटच्या तहसीलदार सुरेखा स्वामी, नायब तहसीलदार राजा खरात, संतोष गुट्टे, ज्ञानोबा मोरे इत्यादी अधिकारी वर्गाने मार्गदर्शन केले. या एकूण प्रशिक्षण प्रक्रियेतील सूत्रसंचालन मंडल अधिकारी पंडित जाधव यांनी केले. तर आभार प्रदर्शन तलाठी दत्ता मोरे यांनी केले. मंडल अधिकारी शंकर जाधव यांनी सर्व प्रशिक्षणाची व्यवस्था पोस्ते पोद्दार स्कूलच्या कर्मचाऱ्यांना व तहसीलच्या कर्मचाऱ्यांना घेऊन केली. या प्रशिक्षणासाठी 2225 प्रशिक्षणार्थी उपस्थित होते.
About The Author
