किलबिल चे नवोदय परीक्षेत घवघवीत यश एकूण 8 विद्यार्थी प्रवेशासाठी पात्र

अहमदपूर( गोविंद काळे) : नुकताच नवोदय विद्यालय इयत्ता 5 वी प्रवेश पूर्व परीक्षेचा निकाल जाहीर झाला असून यात किलबिल नॅशनल स्कूल या शाळेतील एकूण 8 विद्यार्थ्यांची निवड झाली आहे. यामध्ये श्लोक जोशी, उन्नती जाधव, रिद्धी डोंगरगावे, संजीवनी बुर्गे, अर्णव कोंडापुरे,आयुष गायकवाड, शिवम भिकाने, सार्थक लांडगे आदींची नवोदय विद्यालय लातूर येथे इयत्ता सहावी प्रवेशासाठी निवड झाली आहे. किलबिल नॅशनल स्कूल शाळेचे आठ विद्यार्थी पात्र होणे ही खूप मोठे यश असून यामध्ये गुणवंत विद्यार्थ्यांची व पालकांची मेहनत, अनुभवी शिक्षकांचे मार्गदर्शन यामुळे हे शक्य झाले. या यशाबद्दल संस्थेचे सचिव ज्ञानोबा भोसले, प्राचार्य संतोष पाटील, पर्यवेक्षक महावीर गोडभरले, स्पर्धा परिक्षा विभाग प्रमुख ज्ञानेश्वर जाधव आदींनी अभिनंदन करून पुढील शैक्षणिक प्रगतीसाठी शुभेच्छा दिल्या.