धनेगाव तांडाजवळ कार अपघातात चार ठार, मयत मध्यप्रेशातील

उदगीर निलंगा राज्य मार्गावर धनेगाव जवळ घडली घटना

देवणी (लक्ष्मण रणदिवे) : निलंगा उदगीर राज्य मार्गावर असलेल्या धनेगाव ता.देवणी जवळ बुधवारी दुपारी झालेल्या ट्रक व कारच्या भीषण अपघातात चार जण जागीच ठार झाल्याची घटना घडली.सदरील मयत हे मध्यप्रदेशातील इंदौर येथील कापडाचे व्यापारी असल्याची प्राथमिक माहिती समोर येत आहे.
याबाबत घटनास्थळावरून मिळालेली माहिती अशी की, एमपी ०९ डीई ५२२७ ही इरटिका कार वलांडीहुन निलंग्याकडे जात असताना समोरून येणारी ट्रक क्रमांक एम एच २४ जे ७३६५ यांची जोराची धडक बसली.या अपघातात कार मधील चौघाचा जागीच मृत्यु झाल्याची घटना घडली.
मयतात संजय जैन (वय ४५) , व दुसरा मयत (वय ४२) ईंदौर मध्य प्रदेश असल्याचे समजते. अपघात इतका भयंकर होता की , कारचा चेंदामेंदा झाला असुन जेसीबीच्या सहाय्याने कारचा पत्रा कट करून मृतदेह बाहेर काढण्यात आले.यावेळी देवणी पोलिस ठाण्याचे सपोनि माणिकराव डोके व सहकारी रामलींग शेरे,हाकीम बौडीवाले, संजय बोरसुरे,गुरूनाथ जाधव यांनी घटनास्थळी भेट देऊन मृतदेह वलांडी येथील प्राथमिक आरोग्य केंद्रात शवविच्छेदनासाठी पाठविण्यात आले. मयताची ओळख पटवण्यासाठी पोलीस प्रयत्न करत आहेत.