आजी व नातवाचा अपघात; कंटेनरच्या टायर खाली चिरडून दुर्देवी मृत्यु

अहमदपूर (गोविंद काळे) : शहरातील थोडगा रोडवरील सहयोग मॉलच्या समोर भरधाव येणाऱ्या एका कंटेनरने स्कुटीवर बसुन जाणाऱ्या नातु व आजीला पाठी मागुन येऊन जोराची धडक दिल्यामुळे कंटेनरच्या टायर खाली जाऊन दोघांचा जागीच मृत्यु झाला आहे.
याविषयी सविस्तर माहिती अशी की अहमदपूर शहरातील थोडगा रोडवरील जय भवानी जनरल स्टोअर्सचे मालक जयराज गोरे यांचे निवास स्थान थोडगा रोडवरील सहयोग मॉलच्या जवळच असलेल्या पोचम्मा नगर येथे असून आज सकाळी अंदाजे ११ : ३० वाजता जयराज गोरे यांचा मुलगा योगेश जयराज गोरे वय वर्ष २५ आणी आई कमलबाई शिवराज गोरे वय वर्ष ८o हे दोघे स्कुटी क्रमांक एम.एच १२ एल के ४२२२ वरून दवाखान्यात जात असताना थोडगा रोडवरच असलेल्या सहयोग मॉल समोर थोडगा या गावाहुन अहमदपूरकडे भरधाव वेगाने येणाऱ्या सहा टायर कंटेनर क्रमांक एम.एच ०४ एफ.एफ ७२६७ ने पाठीमागुन जोराची धडक दिल्यामुळे आजी व नातवाचा टायर खाली जाऊन जागीच दुर्देवी मृत्यु झाला आहे घटनास्थळावर अक्षरशःहा मासाचे तुकडे पडले होते गेल्या तिन वर्षापुर्वी सुद्धा जयराज गोरे यांच्या पत्नीचा मृत्यु देखील अंबेजोगाई रोडवर अशाच प्रकारे मोटार सायकल वरून पडून कंटेनरखाली जाऊन झाला होता सदरील कंटेनर चालक फरार असुन अहमदपूर पोलीसांनी कंटेनर ताब्यात घेतला आहे सदरील घटनेची अहमदपूर पोलीस स्टेशन येथे अपघाताची नोंद करण्यात आली आहे पोलीसांनी घटनेचा पंचनामा करून सदरील दोन्ही मृतदेह नातेवाईकांच्या ताब्यात देण्यात आले पुढील तपास पोलीस निरिक्षक नानासाहेब लाकाळ यांच्या मार्गदर्शनाखाली पोलीस स्टेशनचे सहाय्यक पोलीस निरिक्षक रामचंद्र केदार हे करित आहेत तपास कामी पोहेकॉ एस.डी भिसे पोना अविनाश क्षिरसागर हे मदत करत आहेत सदरील घटनेची माहिती शहरात समजताच सर्व स्तरातुन हळहळ व्यक्त होत आहे.