राष्ट्रीय समाज रत्न पुरस्कार मिळाल्याबद्दल नंदकुमार बिजलगावकर यांचा सत्कार

उदगीर (एल.पी. उगिले) : जीवन प्रयाग फाऊंडेशनच्या वतीने निरंजन धारा ,लखनऊ व शिवशाही फाऊंडेशन,भारत यांच्यावतीने पंडित निरंजन प्रसाद राष्ट्रीय समाजरत्न पुरस्कार-2024 मिळाल्याबद्दल नंदकुमार बिजलगावकर यांचा पुष्पहार,शाल,श्रीफळ देऊन सत्कार करून अभिनंदन करण्यात आले.

याप्रसंगी पंडित निरंजन प्रसाद समाजरत्न पुरस्कार प्राप्त नंदकुमार बिजलगावकर म्हणाले की, हा पुरस्कार जनाधार सेवाभावी संस्थेचे संजय कांबळे तसेच माझे सहकारी सफाई कर्मचारी व माझे आई बाबा यांना समर्पित करतो. हा पुरस्कार माझ्या सारख्या कार्यकर्त्यांना शाबासकी ची थाप असून या मुळे सफाई कामगार उद्यमिता, कौशल्य विकास, आरोग्य,सन्मान जनक काम व उत्थानासाठी सदैव कार्य करण्याकरिता प्रेरणादाई राहणार आहे.

यावेळी जीवन प्रयाग फाऊंडेशन चे अध्यक्ष प्रभात सुर्यवंशी, प्रा. निलेश चवळे, प्रभात देशपांडे, सुमित लाल उपस्थित होते.