अहमदपूरच्या फुले महाविद्यालयात महात्मा फुलेंना अभिवादन

अहमदपूर (गोविंद काळे) : येथील महात्मा फुले महाविद्यालयात राष्ट्रीय सेवा योजना व सांस्कृतिक विभागाच्या वतीने थोर समाज सुधारक क्रांतीसुर्य महात्मा ज्योतिबा फुले यांच्या जयंतीनिमित्त त्यांच्या प्रतिमेस पुष्प अर्पण करून अभिवादन करण्यात आले.
याबाबतचे सविस्तर वृत्त असे की , प्राचार्य डॉ. वसंत बिरादार पाटील यांच्या मार्गदर्शनाखाली आयोजित करण्यात आलेल्या महात्मा फुले जयंती कार्यक्रमाच्या अध्यक्षस्थानी प्रो. डॉ. अनिल मुंढे होती तर वरद मुंढे यांची प्रमुख उपस्थिती होती. यावेळी मान्यवरांच्या हस्ते महात्मा फुले यांच्या प्रतिमेस पुष्प अर्पण करून अभिवादन करण्यात आले. तर, अध्यक्षीय समारोपाप्रसंगी प्रो. डॉ. अनिल मुंढे यांनी महात्मा फुले यांच्या जीवन व कार्य प्रकाश टाकला.
या कार्यक्रमाचे प्रास्ताविक सांस्कृतिक विभाग प्रमुख डॉ. पांडुरंग चिलगर यांनी केले तर आभार राष्ट्रीय सेवा योजनेचे कार्यक्रमाधिकारी डॉ. बब्रुवान मोरे यांनी मानले. यावेळी अजय मुरमुरे, शिवाजी चोपडे यांच्यासह महाविद्यालयातील प्राध्यापक, कार्यालयीन कर्मचारी उपस्थित होते.