लोहारा येथे गोमय प्रशिक्षण शिबीर संपन्न

उदगीर (प्रतिनिधी) : आदर्श महिला गृह उद्योग, लातुर च्या वतीने मौजे. लोहारा या.उदगीर येथील श्यामभाऊ सोनटक्के यांच्या नैसर्गिक शेतात संस्थेच्या अध्यक्ष चंद्रकला भागवीताई याच्या मार्गदर्शनाखाली लातूर,उदगीर तालूकातील बचत गटांतील महिलांना गोमय प्रशिक्षण देण्यात आले. त्यामध्ये गाईचे शेण व गोमूत्र या पासून घरगुती भांडे घासनी पावडर, फिनाइल, धुपकांडी, शाम्पु बनविण्यासाठी चे प्रशिक्षण देण्यात आले. व प्रात्यक्षिक करून दाखविले गेले. प्रशिक्षणास राज्यमंत्री संजयभाऊ बनसोडे यांनी भेट देऊन महिलांना मार्गदर्शन केले. यावेळी प्रशिक्षण म्हणुन डाॅ.सुरेश गरड, संस्थेच्या समन्वयक अॅड सुजाता माने मॅडम, उमेद च्या जिल्हा समन्वयक अनिता माने मॅडम, तालुका समन्वयक गणेश कानुरे, कार्यकर्ते संगीता माने, अमोल तवंडे, दादाराव गायकवाड, गोविंद जाधव, उषाताई गायकवाड, उमेद चे संतोष भुताळे, हातागंळे, रामभाऊ सोनटक्के,बबन धनबा,प्रकाश हैबतपूरे उपस्थित होते.