राज्य परिवहन मंडळाच्या चालकास मारहाण ; एका इसमा विरूध्द गुन्हा दाखल

अहमदपूर (गोविंद काळे) : येथील राज्य परिवहन महामंडळातील चालक अहमदपूर-लातुर बस मधील प्रवाशांना लातुरला घेऊन जात असताना दि १३ एप्रिल रोजी शहराअंतर्गत एका इसमाने दोन ते तीन वेळा बस अडवुन ज्ञानराज आश्रमासमोर टेंबुर्णी चौकात चालकास लाथाबुक्याने मारहाण करून जिवे मारण्याची धमकी दिल्याप्रकरणी एका इसमा विरूध्द अहमदपूर पोलीस स्टेशन मध्ये गुन्हा नोंद करण्यात आला आहे

याविषयी पोलीसांकडून मिळालेली माहीती अशी की राज्य परिवहन महामंडळाचा अहमदपूर आगाराचा बस चालक जुबेर इमाम सय्यद वय ३५ वर्ष रा मंगळूर ता जळकोट हे आपल्या ताब्यातील एमएच २० बीएल २०७० क्रमांकाची अहमदपूर – लातुर ही प्रवासी बस घेऊन लातुरकडे जात असताना मोटार सायकल क्रमांक एमएच २४ ए डी ३५४७ वरील कमलाकर नामदेव गोरे रा अहमदपूर वय ५२ वर्ष व्यवसाय हॉटेल यांनी दि १३ एप्रिल रोजी दुपारी १२: १० वाजण्याच्या सुमारास शहराअंतर्गतच दोन ते तीन वेळा बसला अडवुन बस चालक आपले शासकीय कर्तव्य पार पाडत असताना ज्ञानराज आश्रमा जवळ टेंबुर्णी चौकात शासकीय कर्तव्यात अडथळा निर्माण करून शिवीगाळ व लाथा बुक्क्यांनी मारहाण करून जिवे मारण्याची धमकी दिली तसेच शासकीय गणवेशाचे शर्ट चा लुप्स तोडला वगैरे बसचालकाने दिलेल्या फिर्याद वरून सदरील इसमा विरूध्द विरुद्ध अहमदपूर पोलीसात गुरनं २३३/२०२४ कलम ३४१,३५३,५०४,५०६, भादंवि नुसार गुन्हा दाखल करण्यात आला आहे.