महात्मा फुले महाविद्यालयात राजीव गांधी यांच्या स्मृतिदिनानिमित्त अभिवादन

अहमदपूर (गोविंद काळे ) : येथील महात्मा फुले महाविद्यालयात राष्ट्रीय सेवा योजना व सांस्कृतिक विभागाच्या वतीने माजी पंतप्रधान भारतरत्न राजीव गांधी यांचा स्मृतिदिन दहशतवाद व हिंसाचार विरोधी दिन म्हणून साजरा करण्यात आला. याबाबतचे सविस्तर वृत्त असे की, महात्मा फुले महाविद्यालयाचे प्राचार्य डॉ.वसंत बिरादार पाटील यांच्या मार्गदर्शनाखाली आयोजित करण्यात आलेल्या राजीव गांधी स्मृतीदिन कार्यक्रमाच्या अध्यक्षस्थानी महाविद्यालयाचे ग्रंथपाल प्रा. परमेश्वर इंगळे हे होते तर प्रशांत डोंगळीकर यांची प्रमुख उपस्थिती होती. यावेळी मान्यवरांच्या हस्ते स्वर्गीय राजीव गांधी यांच्या प्रतिमेस पुष्प अर्पण करून अभिवादन करण्यात आले. यावेळी राष्ट्रीय सेवा योजनेचे कार्यक्रमाधिकारी डॉ. बब्रुवान मोरे यांनी दहशतवाद व हिंसाचार विरोधी दिनानिमित्त उपस्थितांना शपथ दिली. या कार्यक्रमाचे प्रास्ताविक सांस्कृतिक विभाग प्रमुख डॉ .पांडुरंग चिलगर यांनी केले तर आभार अजय मुरमुरे यांनी मानले. यावेळी चंद्रकांत धुमाळे, वामन मलकापूरे, शिवाजी चोपडे यांच्यासह महाविद्यालयातील प्राध्यापक, कार्यालयीन कर्मचारी उपस्थित होते.