लाल बहादूर शास्त्री प्राथमिक शाळेत शिवराज्याभिषेक दिन साजरा

उदगीर (एल.पी.उगीले) : भारतीय शिक्षण प्रसारक संस्था,अंबाजोगाई द्वारा संचलित लाल बहादूर शास्त्री प्राथमिक विद्यालयात हिंदवी स्वराज्याचे संस्थापक छत्रपती शिवाजी महाराजांचा ३५० वा राज्यभिषेक दिन उत्साहात साजरा करण्यात आला.
या कार्यक्रमासाठी अध्यक्ष म्हणून मुख्याध्यापक अंकुश मिरगुडे, प्रमुख वक्ते म्हणून माधव केंद्रे, विभाग प्रमुख सुधाकर पोलावार व ज्येष्ठ शिक्षिका सौ सविता बोंडगे उपस्थित होत्या.मान्यवर पाहुण्यांच्या हस्ते प्रतिमा पूजन व दिपप्रज्वलन करण्यात आले. कार्यक्रमाचे प्रमुख वक्ते माधव केंद्रे यांनी शिवराज्याभिषेक दिन सोहळ्या विषयी सविस्तर मार्गदर्शन केले.
अध्यक्षीय समारोपपर भाषणात मुख्याध्यापक अंकुश मिरगुडे यांनी छत्रपती शिवाजी महाराज यांच्या कार्यातून प्रेरणा घेऊन त्याप्रमाणे आचरण करण्याचे आवाहन केले.सुत्रसंचलन सौ.सुनिता कांबळे यांनी केले.