पर्यावरण दिनानिमित्त जय हिंद प्रयाग विद्यालयांमध्ये वृक्षारोपण

अहमदपूर (गोविंद काळे) : येथील जय हिंद प्रयाग प्राथमिक विद्यालयांमध्ये पर्यावरण दिनानिमित्त प्रतिवर्षाप्रमाणे याही वर्षी वृक्षारोपण करण्यात आले पर्यावरण दिनानिमित्त वृक्ष मित्र प्राध्यापक अनिल चवळे यांचा सत्कार मुख्याध्यापक श्री प्रशांत माने यांनी केला.

जय हिंद प्रयाग विद्यालयात दरवर्षी पर्यावरण व वृक्ष चळवळ या क्षेत्रात कार्यरत असते विद्यार्थ्यांना पर्यावरणाची माहिती व वृक्षारोपणाबद्दल प्रोत्साहित करून सर्वांना सोबत घेऊन दरवर्षी वृक्ष लागवड वृक्ष संगोपनाचे कार्य हे विद्यालय करत असते.

या वृक्षारोपणाच्या वेळी शाळेचे मुख्याध्यापक प्रशांत माने वृक्ष मित्र अनिल चवळे शिक्षक बांधव अभय कच्छवे ,मनोज कदम ,मिलिंद कांबळे, युवराज पाटील ,प्रशांत चोले आदी उपस्थित होते .यावेळी 50 वृक्षांची लागवड करण्यात आली.