साने गुरुजी यांचा स्मृतिदिन उत्साहात साजरा

अहमदपूर (गोविंद काळे) : येथील संत ज्ञानेश्वर विद्यालयात दि.11 जून 2024 रोजी साने गुरुजी स्मृतिदिनानिमित्त संत ज्ञानेश्वर विद्यालयात पांडुरंग सदाशिव साने यांच्या प्रतिमेचे पूजन करण्यात आले. यावेळी प्रमुख पाहुण्या लिनेस क्लबच्या अध्यक्षा सुनंदाताई कुलकर्णी यांनी प्रथमतः साने गुरुजी यांच्या प्रतिमेचे पूजन केले आणि उपस्थित विद्यार्थ्यांना साने गुरुजींच्या श्यामची आई या पुस्तकातील पत्रावळी ही संस्कार क्षम कथा मुलांच्या मनात रुजविली. पूज्य साने गुरुजी म्हणजे एक थोर मातृभक्त, विद्यार्थी प्रिय शिक्षक,निस्सीम देशभक्त, आणि उत्कृष्ट कवी ,लेखक होते त्यांची “खरा तो एकची धर्म “ही प्रार्थना म्हणजे जगाला दिलेले मानवतेच्या अक्षरदान आहे.तसेच त्यांची कथा मानवाला सुसंस्कार देउन मानवाच्या विकासासाठी दिलेले अमूल्य विचार आहेत असे मार्गदर्शन सुनंदाताई कुलकर्णी यांनी केले. याप्रसंगी त्यांनी विद्यार्थ्यांना विविध प्रश्न विचारून योग्य उत्तर देणाऱ्या विद्यार्थ्यास बक्षीस देऊन त्यांचे कौतुक केले. यावेळी विद्यालयाच्या मुख्याध्यापिका आशा रोडगे मुख्याध्यापक तथा लिनेस मीनाक्षी तोवर ,लिनेस संगीता आबंदे,लिनेस सविता पाटील व शाळेतील सर्व शिक्षक व विद्यार्थी उपस्थित होते.