पोलीस वर्धापन दिन उत्साहात साजरा
रेणापूर पोलिसांच्या वतीने रक्तदान शिबिर संपन्न
रेणापूर (प्रतिनिधी) : 2 जानेवारी हा पोलीस वर्धापन दिन म्हणून साजरा केला जातो. या वर्धापन दिनाचे औचित्य साधून रेणापूर पोलिसांच्या पुढाकारातून रक्तदान शिबिराचे आयोजन करण्यात आले होते. या आयोजित करण्यात आलेल्या शिबिरास नांदेड परिक्षेत्राचे पोलीस महानिरीक्षक निसार तांबोळी व लातूर जिल्ह्याचे पोलिस अधीक्षक निखिल पिंगळे यांनी रेणापूर पोलिसांचे कौतुक केले आहे.
पोलीस वर्धापन दिनानिमित्त पोलिसांनी समाजहितासाठी रक्तदान शिबिर घेतल्याबद्दल वरिष्ठ अधिकार्यांनी रेणापूर पोलीस ठाण्याचे पोलीस निरीक्षक गोरख दिवे तसेच अधिकारी, कर्मचारी यांचे कौतुक केले. या रक्तदान शिबिरात 232 रक्तदात्यांनी रक्तदान केले. तसेच शिबिरात रक्तदात्यांना प्रमाणपत्र देऊन त्यांचा गौरव करण्यात आला. या रक्तदान शिबिरास महानिरीक्षक निसार तांबोळी, लातूर जिल्ह्याचे पोलिस अधीक्षक निखिल पिंगळे यांनी भेट दिली. यावेळी लातूर येथील शासकीय वैद्यकीय महाविद्यालयातील डॉ. भोसले, डॉ. जगताप यांच्या सर्व टीमने रक्तदान शिबिरास सहकार्य केले.
About The Author
