जान्हवी जाधव ची राष्ट्रीय स्पर्धेसाठी निवड

अहमदपूर ( गोविंद काळे ) १७ वर्षीय कॅडेट राज्यस्तरीय तलवारबाजी स्पर्धेमध्ये जान्हवी जाधव ने सांघिक खेळामध्ये दोन सुवर्णपदक तर वैयक्तिक कांस्यपदक पटकावत राष्ट्रीय स्पर्धेसाठी निवड झाली असून तिचे अहमदपूर तालुक्यात सर्वत्र कौतुकाचा वर्षाव होत आहे.
१६ ऑगस्ट ते १८ ऑगस्ट रोजी मुंबई येथे पार पडलेल्या स्पर्धेत इपी सांघिक मुलींच्या लातूर संघाने सुवर्णपदक पटकावले त्यामध्ये रोहिणी पाटील, दिव्यांका कदम, जान्हवी जाधव, वैभवी माने हे खेळाडूं होते. तर सेबर मुलींच्या लातूर संघाने पण सुवर्णपदक पटकावले. त्यामध्ये जान्हवी ,दिव्या ,रोहिणी आणी सिद्धी कदम यांचा समावेश होता. या सर्व गुणवंत पदक प्राप्त खेळाडूंना महाराष्ट्र शासनाचा शिवछत्रपती क्रीडा पुरस्कार प्राप्त प्रा.दत्ताभाऊ भाऊ गलाले , क्रीडा शिक्षक संतोष कदम, एनआयएस कोच मोसिन शेख, एनआयएस कोच आकाश बनसोडे, मार्गदर्शक प्रशांत माने ,सूरज कदम, भाऊराव कदम आदिंचे मोलाचे मार्गदर्शन आणि सहकार्य लाभले. या सर्वांचे मराठा सेवा संघ, संभाजी ब्रिगेड सह विविध परिवर्तनवादी संघटनेच्या पदाधिकाऱ्यासह तालुक्यातील नागरीक कौतूक होत आहे.