जिल्हाधिकारी वर्षा ठाकूर-घुगे यांच्या हस्ते उल्लेखनीय कार्य केल्याबद्दल पोलीस पाटील राजकुमार दराडे यांचा गौरव

अहमदपुर ( गोविंद काळे ) महाराष्ट्र शासनाच्या वतीने महसूल विभागातील अतिउत्कृष्ट काम करणाऱ्या अधिकारी कर्मचाऱ्यांचा महसूल दिनी गौरव करण्यात येतो त्या निमित्ताने इ. सन २०२३ -२४ या वर्षात उल्लेखनीय, प्रशंसनीय कार्य करणाऱ्या अधिकारी कर्मचाऱ्यांचा सत्कार करण्यात आला.
जिल्हाधिकारी वर्षा ठाकूर घुगे यांच्या हस्ते तांबटसांगवी,लांजी, काजळ हिप्परगा, व्होटाळा या चार गावची जबाबदारी घेऊन कार्यक्षेत्रात काम करणारे पोलीस पाटील राजकुमार मुकिंदराव दराडे रा.व्होटाळा यांनी इ. सन २०२३-२४ मध्ये उल्लेखनीय, प्रशंसनीय कार्य केल्याबद्दल त्यांची निवड जिल्हाधिकारी कार्यालया मार्फत करण्यात आली.
महसूल दिना निमित्त करण्यात येणारा गौरव जिल्हाधिकारी कार्यालय लातूर येथे १६ ऑगस्ट रोजी जिल्हाधिकारी वर्षा ठाकूर-घुगे यांच्या हस्ते त्यांना प्रशस्तीपत्र देऊन त्यांचा गौरव करण्यात आला.
यावेळी जिल्ह्यातील महसूल विभागाचे अधिकारी, कर्मचारी, शिवसेनेचे उपतालुका प्रमुख अनिकेत फुलारी, ग्रामसेवक वैजनाथ चात्रे, किशन महाराज जोशी, ग्रामपंचायत सदस्य नरसिंग पवार यांचीही उपस्थिती होती.