ट्रॅव्हल्स रस्त्यात अडवून चालक क्लिनर व पोलीसाला बेदम मारहाण

अहमदपूर ( गोविंद काळे )दररोज अहमदपूर ते पुणे जाणाऱ्या कृष्णा ट्रॅव्हल्स एम.एच ४४ ९३९३ ला रात्रीच्या वेळी अडवून ट्रॅव्हल्सच्या चालक व क्लिनर सह एका पोलीसाला बेदम मारहाण केल्याची घटना दि १४ सप्टेंबर रोजी रात्री ७ : १५ वाजता अहमदपूर -लातूर रोड वरील माधव मंगल कार्यालयासमोर घडली असुन अहमदपूर पोलिसांत गुन्हा दाखल करण्यात आला आहे

याविषयीची पोलिस सुत्राकडून अधिक माहिती अशी की, दि १४ सप्टेंबर रोजी संध्याकाळी ७ : १५ वाजण्याच्या च्या दरम्यान दररोजच्या प्रमाणे कृष्णा ट्रॅव्हल्स क्र. एमएच ४४/ ९३९३ हि पुणे शहराकडे निघाली असताना दोन मोटार सायकलीवर अज्ञात पाच इसम ट्रॅव्हल्स समोर येऊन ट्रॅव्हल्स गाडी थांबवली असता ट्रॅव्हल्स च्या ड्रायव्हर नी समोर आडव्या गाड्या का लावल्या ? त्या काढा असे ड्रायव्हर नी अनोळखी व्यक्तींना सांगितले परंतू तेवढ्या वेळेत अज्ञात पाच जण ट्रॅव्हल्स समोर आडव्या लावलेल्या गाडया वरून उतरून ट्रॅव्हल्स मध्ये घुसून चालक व्यंकट परशुरान तरडे रा. थोडगा ता. अहमदपूर व क्लिनर गणेश पांचाळ व मॅनेजर देवानंद मोहटे आदींना शिवीगाळ करीत त्यामधील दोघांना डोक्यात, पाठीवर व उजव्या हातावर दगडाने मारहाण करण्यास सुरुवात करत चालकाच्या खिशामधील ५००० रुपये जबरीने काढून घेतले. त्यादरम्यान त्यामधील काही जणांनी ट्रॅव्हल्सवर दगडफेक करुन ट्रॅव्हल्सचे समोरील, पाठीमागील व बाजुच्या काचा फोडू लागले त्यावेळी तेथे पोलीस कर्मचारी आले व त्यांनी जमलेल्या त्या ट्रॅव्हल्सवर दगडफेक करणारे मुलांना शांत करण्याचा प्रयत्न केला परंतू त्या काचा फोडणाऱ्या मुलांपैकी एक जणांनी पोलीस कर्मचाऱ्यासही मारहाण केल्याचे तक्रारीत सांगण्यात आले .
तेथे जमलेल्या लोकांपैकी एका प्रवाशांनी ट्रॅव्हल्स आडवून गाडीमध्ये शिरुन दगडाने मारहाण करणारे, गाडीच्या काचा फोडणारे व्यक्तींचे नावे स्वप्नील नरसन वलसे, गोपाळ शंकर वलसे, गजानन माधव वलसे, गणेश मोहन आरकीले , मंगेश मोहन आरकीले असे असल्याचे व ते थोरलेवाडी ता. अहमदपूर येथील रहिवाशी असल्याचे सांगीतले. व तसेच चालकानी दिलेल्या फिर्यादीत गजानन माधव वलसे याने मला त्यांचे हातातील दगडाने मारहाण करुन माझे खिशातील ५०००/- रूपये काढून घेवून जखमी केले त्यानंतर स्वप्नील वलसे, गोपाळ वलसे, गणेश आरकीले व मंगेश आरकीले यांनी ट्रॅव्हल्सवर दगडफेक करुन ट्रॅव्हल्सचे काचा फोडून अंदाजे ५००००/- रुपयाचे नुकसान केले असल्याचे पोलिसांत दिलेल्या तक्रारी म्हटले असून या प्रकरणी अहमदपूर पोलिसांत भारतीय न्याय संहिता २०२३, कलम ३१०(२),३२४(४),३२४(५), ११८(१),३५२ प्रमाणे गुन्हा दाखल करण्यात आला असून पुढील तपास अहमदपूर पोलिस स्टेशनचे पो.उपनिरीक्षक आनंद श्रीमंगल करीत आहेत.