उदयगिरीत वेटलिफ्टिंग व पावरलिफ्टिंग स्पर्धा संपन्न
उदयगिरीत वेटलिफ्टिंग व पावरलिफ्टिंग स्पर्धा संपन्न
उदगीर (प्रतिनिधी) : स्वामी रामानंद तीर्थ मराठवाडा विद्यापीठ, नांदेड व महाराष्ट्र उदयगिरी महाविद्यालय, उदगीर यांच्या संयुक्त विद्यमाने आयोजित आंतर महाविद्यालयीन ‘ब’ विभाग वेटलिफ्टिंग व पावरलिफ्टिंग (पुरुष) स्पर्धा दिनांक 09/09/2024 रोजी संपन्न झाल्या. या स्पर्धेत ब विभागातील बारा महाविद्यालयाच्या संघाने सहभाग घेतला होता. स्पर्धेच्या उद्घाटन समारंभावेळी व्यासपीठावर महाविद्यालयाचे प्राचार्य डॉ. राजकुमार मस्के, निवड समितीचे डॉ. दिलीप भडके, डॉ. दिलीप काळे, डॉ. दीपक चिद्दरवार, प्रा. निहाल खान, क्रीडा संचालक प्रा.सतीश मुंढे आदी उपस्थित होते.
या दिवसभर चाललेल्या स्पर्धेसाठी महाविद्यालयाचे शिक्षक व शिक्षकेत्तर कर्मचारी यांनी भेटी दिल्या. स्पर्धेच्या बक्षीस वितरण समारंभ वेळी व्यासपीठावर डॉ. दिलीप भडके, डॉ. दिलीप काळे, प्रा. डॉ. अभिजित मोरे, प्रा. निहाल खान, प्रा. डॉ.नारायण जायभाये उपस्थित होते. स्पर्धेच्या अंतिम निकालानुसार वेटलिफ्टिंग स्पर्धेचे सर्वसाधारण विजेतेपद (जनरल चॅम्पियनशिप) महाराष्ट्र उदयगिरी महाविद्यालय, उदगीर तर पावर लिफ्टिंग स्पर्धेचे सर्वसाधारण विजेतेपद श्री शिवाजी महाविद्यालय, कंधार यांनी पटकाविले आहे. या स्पर्धा यशस्वी करण्यासाठी व पंच म्हणून डॉ. सचिन चामले, डॉ. डी. आर. मुंडे, प्रा. सचिन चौधरी, प्रा. रोहन एनाडले, प्रा. डॉ. शिवानंद पाटील, कृष्णा केंद्रे, विजय सूर्यवंशी, प्रताप भालेराव यांनी कामे पाहिले. कार्यक्रमाचे सूत्रसंचलन व आभार क्रीडा संचालक प्रा.सतीश मुंढे यांनी केले.
About The Author
