राष्ट्रवादी काँग्रेस कडे संजय गायकवाड यांची उमेदवारीची मागणी

उदगीर (प्रतिनिधी) : शरदचंद्र पवार यांच्यावर निष्ठा असलेले जुने कार्यकर्ते संजय गायकवाड यांनी उदगीर विधानसभा मतदारसंघातून आपल्याला उमेदवारी मिळावी म्हणून राष्ट्रवादी काँग्रेस शरदचंद्र पवार पक्षाकडे मागणी केली आहे.
सुरुवातीपासून राष्ट्रवादी काँग्रेस पक्षाचे एकनिष्ठ म्हणून जळकोट तालुक्यातून काम करून तालुका उपाध्यक्ष, जिल्हा सरचिटणीस, राज्य संघटक, सचिव अशा विविध पदावरून राष्ट्रवादी काँग्रेस पार्टीमध्ये त्यांनी काम केले आहे. अनेक जबाबदाऱ्या ते एकनिष्ठ होणे सांभाळत राहिले आहेत.
पक्ष संघटन वाढीसाठी आणि पक्ष बांधणीसाठी त्यांनी उदगीर, जळकोट परिसरात खूप काम केले आहे. तत्कालीन आमदार स्वर्गीय चंद्रशेखर भोसले यांच्या विजयासाठी त्यांनी भरपूर प्रयत्न केले होते. या सर्व गोष्टीची जाण ठेवून जुना जाणता एकनिष्ठ उमेदवार म्हणून माझ्या नावाचा विचार केला जावा, असा आग्रही अर्ज पक्षश्रेष्ठीकडे जिल्हाध्यक्ष संजय शेटे यांच्यामार्फत केला आहे.
या संदर्भाने बोलताना संजय गायकवाड म्हणाली की, आपण उदगीर विधानसभा मतदारसंघात राष्ट्रवादी काँग्रेस शरदचंद्र पवार पक्षातून उमेदवारी मागितली आहे ,आणि मला संधी दिल्यास विजय निश्चित आहे. त्यामुळे माझ्या एकूण कामाची दखल घेऊन पक्षश्रेष्ठी निश्चितपणे आपला विचार करतील, असा विश्वासही त्यांनी व्यक्त केला आहे. यापूर्वी त्यांनी कै. विलास भोसले मराठवाडा मित्र मंडळाच्या माध्यमातून सामाजिक जाणिवा विकसित करण्याच्या दृष्टीने खूप मोठे कार्य केले आहे. त्यांचा दांडगा जनसंपर्क आणि पक्षश्रेष्ठी बद्दल त्यांची निष्ठा विचारात घेऊन पक्षाचे प्रदेशाध्यक्ष आमदार जयंतराव पाटील, पक्षाच्या नेत्या खासदार सुप्रियाताई सुळे, खासदार अमोल कोल्हे आणि सामाजिक न्याय विभागाचे सर्व पदाधिकारी आपल्याला चांगले ओळखतात. त्यामुळे निश्चितपणे आपल्या उमेदवारीचा विचार होईल असा विश्वासही त्यांनी आमच्या प्रतिनिधीशी बोलताना व्यक्त केला आहे.

About The Author

पोलीस फ्लॅश न्यूज

See author's posts