विद्या वर्धिनी हायस्कूलमध्ये गुड- टच -बॅड – टच या विषयावर विद्यार्थिनींना मार्गदर्शन
विद्या वर्धिनी हायस्कूलमध्ये गुड- टच -बॅड - टच या विषयावर विद्यार्थिनींना मार्गदर्शन
उदगीर (प्रतिनिधी) : येथील किसान शिक्षण प्रसारक मंडळ उदगीर द्वारा संचलित विद्यावर्धिनी हायस्कूल मध्ये विद्यार्थिनीच्या सुरक्षेच्या दृष्टीने विद्यार्थी सुरक्षा समितीच्या वतीने सहावी ते दहावीच्या विद्यार्थिनींना गुरु -टच- बॅड- टच या विषयावर मार्गदर्शन करण्यात आले.या कार्यक्रमाच्या अध्यक्षस्थानी विज्ञान विषयाच्या शिक्षिका शिल्पा पाटील तर प्रमुख पाहुणे व मार्गदर्शक म्हणून उदगीर येथील स्त्री रोग तज्ञ डॉ. सविता पदातुरे, सोनाली पाटील, ज्योती सगर, सुनंदा मूर्कीकर यांची यावेळी व्यासपीठावर उपस्थिती होती. कार्यक्रमाचे प्रमुख पाहुणे व मार्गदर्शक डॉ. पदातुरे मॅडम म्हणाल्या की, मुलींना योग्य शिक्षण मिळाले तर सक्षमतकडे वाटचाल सुरू राहते. त्यांच्या शिक्षणात,आरोग्यात, सुरक्षेच्या दृष्टीने अडथळे येऊ नये यासाठी मोठ्या प्रमाणात शासन विविध कार्यक्रम घेत आहे. स्त्रियांना उपजत स्पर्शाची जाणीव असतेच पण लहान वयातच याबाबत मुलींना जागृत सतर्क केल्यास अनेक गोष्टी रोखता येऊ शकतात.याप्रसंगी विद्यालयाचे मुख्याध्यापक तथा सुरक्षा समितीचे अध्यक्ष राम ढगे, सचिव बंडू पाटील,सहसचिव ज्योती सगर,शिल्पा पाटील, सोनाली पाटील,निवृत्ती जवळे, बाबासाहेब पाटील यांच्यासह विद्यार्थिनी,पालक यांची यावेळी मोठ्या प्रमाणात उपस्थिती होती. या कार्यक्रमाचे सूत्रसंचालन अविनाश पोशेट्टी यांनी केले तर आभार प्रभाकर घोगरे यांनी मानले.
About The Author
