चोरीस गेलेला 41 हजाराचा मुद्देमाल जप्त, उदगीर ग्रामीण पोलिसांचे उत्कृष्ट कामगिरी

उदगीर (एल पी उगिले) : तालुक्यातील मौजे वायगाव परिसरातून ज्योतिराम व्यंकटराव सेंदकर या शेतकऱ्याने आपल्या शेतातील दहा स्प्रिंकलरच्या तोट्या ज्याची अंदाजे किंमत 25 हजार रुपये होते, त्या चोरीस गेल्या असल्याची पोलीस स्टेशन उदगीर ग्रामीण येथे फिर्याद दिली होती.त्या फिर्यादीवरून गुरं 517 /24 कलम 303 (2), 331 (4), 305 (अ) भारतीय न्याय संहिता 2023 अन्वये गुन्हा नोंद करण्यात आला होता. यासंदर्भात संशयित आरोपी पांडुरंग उमाकांत घोडके, अक्षय अभंग गायकवाड, प्रशांत गोपाळ पिटले, महादेव शिवाजी पिटले (सर्वजण राहणार वायगाव तालुका उदगीर) यांचा तपास चालू होता. दरम्यान आरोपी पांडुरंग उमाकांत घोडके यास पोलिसांनी अटक करून फिर्यादी ज्योतीराम सेंदकर यांच्या स्प्रिंकलरच्या दहा तोट्या तसेच जीवन जांभळे यांच्या किराणा दुकानातून चोरलेले सहा हजार रुपये आणि वैजनाथ जांभळे यांची पाण्यातली बोरवेलची मोटार किंमत अंदाजे दहा हजार रुपये असा एकूण 41 हजार रुपयांचा मुद्देमाल ग्रामीण पोलिसांनी पकडला आहे. उदगीर ग्रामीणचे जेष्ठ पोलीस निरीक्षक राजकुमार पुजारी यांच्या मार्गदर्शनाखाली पोलीस हेड कॉन्स्टेबल धूळशेटे हे अधिक तपास करत आहेत.

About The Author

पोलीस फ्लॅश न्यूज

See author's posts