श्री पांडुरंग विद्यालय कल्लूर येथे विद्यार्थिनींसाठी ” गुड टच बॅड टच” जागृती कार्यशाळा
श्री पांडुरंग विद्यालय कल्लूर येथे विद्यार्थिनींसाठी " गुड टच बॅड टच" जागृती कार्यशाळा
उदगीर (एल.पी.उगीले) : तालुक्यातील श्री पांडुरंग विद्यालय कल्लूर येथे विद्यार्थिनींसाठी एक महत्त्वपूर्ण कार्यशाळा संपन्न झाली. ही कार्यशाळा आरोग्य विभाग व श्री पांडुरंग विद्यालय कल्लूर यांच्या संयुक्त विद्यमाने घेण्यात आली. आजूबाजूला घडणाऱ्या समाज विघातक घटना आणि त्यांचे होणारे विपरीत परिणाम दूर करणे व मुलींच्या मनातील भीती दूर करून त्यांना धाडसी बनविणे ही काळाची गरज ओळखून मुलींचा शारीरिक व मानसिक विकास घडउन आणण्यासाठी श्री पांडुरंग विद्यालय कल्लूर येथे “गुड टच,बॅड टच” कार्यशाळा घेण्यात आली. शाळा आणि कुटुंब ही खरी आधारस्थळे असून गुरुजन आणि आई-वडील खरे आधारस्तंभ आहेत. त्यांच्या सहवासात नेहमी रहा. असे आवाहन प्राथमिक आरोग्य केंद्राच्या वैद्यकीय अधिकारी डॉ. भाग्यश्री सूर्यवंशी यांनी विद्यार्थिनींना केले. याप्रसंगी आरोग्य विभागाचे महेश नवाडे व श्रीमती सुवर्णा बिरादार यांची उपस्थिती होती. व्यासपीठावर सुडे एम.पी., केंद्रे डी.पी., भोळे आर.आर.हे उपस्थित होते. विद्यार्थ्यांची आरोग्य तपासणी याप्रसंगी करण्यात आली. नादरगे सी. बी. यांनी आरोग्य कर्मचारी यांचे आभार मानले.
About The Author
