टाकळगाव ग्रामपंचायतच्या वतीने एक हजार वृक्षारोपण

अहमदपूर (गोविंद काळे) : तालुक्यातील मौजे टाकळगाव येथील ग्रामपंचायतीच्या वतीने एक हजार वृक्ष लागवड कार्यक्रम हाती घेण्यात आला व तो पृणत्वाकडे नेहण्यात आल्याने परीसरातील जनतेकडून सरपंच , उपसरपंचाचे कौतुक केले जात आहे. अहमदपूर पासून जवळच असलेल्या टाकळगाव ग्रामपंचायतची संसद आदर्श ग्राम म्हणून खासदार सुधाकर श्रुंगारे यांनी काही दिवसांपूर्वी निवड केली असून सरपंच केला कांबळे व उपसरपंच तथा कोल्हापूर येथील प्रसिद्ध उद्योजक परमेश्वर घोगरे यांनी स्वखर्चाने रोपवाटीका मधुन मोठी वृक्ष खरेदी करून प्रत्येकाच्या दारामध्ये एक वृक्ष व टाकळगाव ते नागठाणा जाणाऱ्या रोडच्या दोन्ही बाजूला मोठ्या प्रमाणात वृक्षारोपण करण्यात आले आहे. सदरील वृक्षारोपण कार्यक्रमाच्या वेळी सरपंच केरबा कांबळे, उपसरपंच परमेश्वर घोगरे, तलाठी हंसराज जाधव, तंटामुक्त समितीचे अध्यक्ष बालाजी करंडे, बालाजी दराडे, दशरथ करंडे, मुख्याध्यापक बालाजी तुरेवाले,मुकीम शेख यांच्या सह शिक्षक व ग्रामस्थ उपस्थित होते.