माजी विद्यार्थ्यांचा खंडाळी जि.प शाळेत स्नेह मेळावा

अहमदपूर ( गोविंद काळे ) तालुक्यातील खंडाळी जिल्हा परिषद प्रशाला खंडाळी सन २००५-२००६ च्या माजी विद्यार्थ्यांनी पुन्हा एकदा आपल्या गुरूजनासोबत एकत्र येत जुन्या आठवणींना उजाळा दिला. तब्बल १८ वर्षांनंतर माजी विद्यार्थ्यांचा त्यांना शिकवणारे गुरूजनासोबत गेट टुगेदर प्रशालेत पार पडला.
या कार्यक्रमाची सुरुवात राष्ट्रगीताने करण्यात आली. कार्यक्रमात सर्वांनी परीचय देत मागच्या शालेय जिवनातील आठवणी,गंमती-जमती सांगत उजाळा दिला.
या कार्यक्रमाला अध्यक्ष म्हणून लाभलेले शाळेचे माजी मुख्याध्यापक घाटीवाले सर, वर्गशिक्षक टेकले सर, तसेच कासले सर, राठोड मॅडम, घोडके मॅडम,शेख सर आदी मान्यवर उपस्थित होते.
या माजी विद्यार्थ्यांच्या मेळाव्यासाठी खासकरून प्रेमचंद कुलकर्णी,रवि खोमणे, किरण कुलकर्णी, कैलास शिंदे, दगडू म्हेत्रे,शरद पौळ आदींनी पुढाकार घेत हा कार्यक्रम आनंददायी पार पाडला.
या कार्यक्रमाचे सुत्रसंचलन रविकुमार पौळ यांनी तर आभार प्रदर्शन विनोद कांबळे यांने केले….