मराठा सेवा संघाच्या वतीने मान्यवरांचा व कोरोना योध्याचा सन्मान

अहमदपूर (गोविंद काळे) : येथील मराठा सेवा संघाच्या वतीने विविध पक्षातील निवड झालेल्या नूतन मान्यवरांचा व कोरोना काळात जीवाची पर्वा न करता कार्य केलेल्या कोरोना योध्याचा सन्मान करण्यात आला.
मराठा सेवा संघाच्या वतीने अहिल्यादेवी होळकर विद्यालयात संपन्न झालेल्या कार्यक्रमाच्या अध्यक्षस्थानी मराठा सेवा संघाचे जिल्हा कार्याध्यक्ष प्रा.गोविंद शेळके तर प्रमुख सत्कार मूर्ती भाजपाचे प्रदेश उपाध्यक्ष माजी राज्यमंत्री विनायकराव पाटील, भाजपाचे किसान मोर्चाचे प्रदेश सरचिटणीस दिलीपराव देशमुख, शिवसेना जिल्हाप्रमुख बालाजी रेड्डी, काँग्रेसचे तालुकाध्यक्ष अॅड हेमंत भाऊ पाटील, राष्ट्रवादीचे तालुका उपाध्यक्ष अविनाश मंदाडे, डॉ.हरिभाऊ केंद्रे, शिवछत्रपती पुरस्कार विजेते दत्ताभाऊ गलाले, मराठा सेवा संघाचे तालुका अध्यक्ष अशोकराव चापटे आदी मान्यवरांची उपस्थिती होती.
ज्या ज्या वेळी आपल्यावर संकट येतात त्या त्या वेळी आपण इतरांना मदत केली पाहिजे. कोरोना महामारीच्या काळात आपल्या जिवाची पर्वा न करता कोरोना योध्यानी समाज कार्यासाठी आपल्या जीवाची बाजी लावून काम केले. मराठा सेवा संघ हे सामाजिक बांधिलकी जोपासून सर्वांना न्याय देण्याचे काम करते मराठा सेवा संघ म्हणजे आदर्शवत सेवा संघ असून दीन दलित, शोषित, पीडित, उपेक्षितांच्या पाठीमागे सदैव उभा असतो.असे विनायकराव पाटील यांनी सांगितले.
यावेळी सत्काराला उत्तर देताना दिलीपराव देशमुख, ॲड हेमंतराव पाटील,अविनाश मंदाडे यांनीही आपल्या भावना व्यक्त केल्या, कोरोना महामारी च्या काळात काळात अहमदपूर शहरातील प्रवीण डांगे, गोपीनाथ जायभाये, नयुम शेख, शंकर मुळे, विलास शेटे, माधव भदाडे, अनिल चव्हाण, सुरज पाटील,शिवाजी गायकवाड यांनी रुग्णांना व त्यांच्या नातेवाईकांना मोफत जेवण पुरविल्या बद्दल मराठा सेवा संघाच्या वतीने भव्य सत्कार करण्यात आला.
कार्यक्रमाचे प्रास्ताविक शहराध्यक्ष नाना कदम यांनी केले तर कार्यक्रमाचे सूत्रसंचालन पुरुषोत्तम माने व आभार अशोकराव चापटे यांनी मानले.
कार्यक्रमाच्या यशस्वीतेसाठी सेवा संघाचे धनंजय उजनकर, कार्याध्यक्ष ज्ञानोबा भोसले, उपाध्यक्ष प्रा.मारोती बुद्रुक पाटील, शहर सचिव सचिन जगताप, सुनील देशमुख, बालाजी कदम, सिद्धार्थ दापके, शिवशंकर लांडगे, शिवानंद भोसले, प्रशांत माने, संतोष पाटील, विलास आगलावे,दत्ता कदम,सुनिल पाटील लांजीकर,राम सूर्यवंशी,सोपान कदम, आदींनी प्रयत्न केले.