समाजविकास संस्थेची सामाजिक बांधिलकी गोरगरिबांना जीवनापयोगी साहित्याचे वाटप

औसा (प्रतिनिधी) : समाज विकास संस्था संचलित दान उत्सव समिती, लातूर यांच्या वतीने औसा शहरातील याकतपूर रोडच्या बाजूच्या परिसरात असलेल्या गरीब, गरजू लोकांना कपडे, अन्नधान्य, केळी, बिस्कीट इत्यादी साहित्याचे वाटप संस्थेचे संचालक श्री भूमिपुत्र वाघ, आणि दान उत्सव समिती लातूर चे जिल्हाध्यक्ष श्री सागर गुरव यांच्या हस्ते करण्यात आले. यावेळी सागर गुरव सर यांनी भटक्या जमातींच्या मुलांच्या शिक्षणासाठी संस्थेच्या माध्यमातून आवश्यक अशी उपाययोजना करण्या साठी येणाऱ्या काळात प्रयत्न करण्यात येतील अशी माहिती दिली. संस्थेच्या माध्यमातून सुरुवातीचा हा छोटासा प्रयत्न असून, समाजसेवक श्री भूमिपुत्र वाघ यांनी समाजातील दानशूर व्यक्तीना पुढे येऊन मदतीसाठी आवाहन केले. ज्यायोगे देणाऱ्यांची मदत योग्य त्या गरजू लोकांपर्यंत पोहोचविता येईल. आपल्याकडील कपडे, अन्नधान्य, खेळणी, जीवनोपयोगी साहित्य अश्या कुठल्याही प्रकारची मदत आपण करू शकता. आपल्याकडे जर देण्यायोग्य काही असेल तर दान उत्सव समितीचे लातूर जिल्हाध्यक्ष श्री सागर गुरव ( ९८३४०९३७९४ ) यांना संपर्क साधल्यास ते तुमच्यापर्यंत येऊन तुमचे साहित्य घेऊन जातील व जिथे गरज असेल तिथल्या सर्वसामान्य माणसापर्यंत मदत पोचविण्याचे कार्य करतील , असे सांगितले.