होमिओपॅथीकच्या पदाधिकाऱ्याचा लॉयन्स सनरायझर्सच्या वतीने सत्कार
उदगीर (प्रतिनिधी) : लॉयन्स क्लब ऑफ उदगीर सनरायझर्सच्या वतीने नुकत्याच जाहीर झालेल्या होमिओपॅथीक डॉक्टर्स असोसिएशन उदगीरच्या पदाधिकाऱ्याचा सत्कार करण्यात आला. या कार्यक्रमाच्या अध्यक्षस्थानी धन्वंतरी आयुर्वेद महाविद्यालयाचे प्राचार्य डॉ.दत्ता पाटील हे होते .यावेळी होमिओपॅथीक डॉक्टर्स असोसिएशन उदगीरचे अध्यक्ष डॉ.चंद्रकांत कोठारे, सचिव डॉ.अलीराजा कौसर, कोषाध्यक्ष डॉ. किशोर बुबणे यांचा लॉयन्स क्लब लॉयन्स क्लब उदगीर सनरायझर्सचे अध्यक्ष योगेश चिद्रेवार, सचिव बळवंत चिंचोलकर, कोषाध्यक्ष शेख महमद यांनी शाल श्रीफळ पुष्पहार व वृक्ष देवून सत्कार केला .पर्यावरण संतुलन राखण्यासाठी व वृक्षारोपनाचे महत्व जाणून घेवून सत्कारात त्यांनी वृक्ष भेट दिला. याप्रसंगी लॉयन्स क्लब ऑफ उदगीर सनरायझर्सचे कार्य पाहून प्रेरित होवून डॉ.अलीराजा कौसर यांनी सनरायझर्सचे सदस्यत्व स्वीकारले .कार्यक्रमाचे सूत्रसंचलन झोनल चेअरमन डॉ.व्यंकटेश वटंमवार यांनी केले तर आभार अरविंद पत्की यांनी मानले. कार्यक्रमास विवेक जैन, डॉ.संदीप सोनटक्के, निशिकांत कोठारे पाटील, संदीप पाटील, विजय देबडवार व सदस्य उपस्थीत होते.
About The Author
