विधिज्ञ संघाच्या निवडणूक, अध्यक्ष आनंद मुंढे तर उपाध्यक्ष गितानंद अक्कनगीरे

उदगीर (एल.पी.उगीले)
उदगीर तालुका विधिज्ञ वकील संघाच्या पदाधिकारी निवड २०२५ – २६ साठी झालेल्या निवडणूकीत सर्वसमावेशक समतावादी पॅनलचा दणदणीत विजय झाला आसून तालुका विधिज्ञ संघाचे अध्यक्ष , उपाध्यक्ष व कोषाध्यक्ष आणि ग्रंथालय सचिव या पदावर उमेदवार बहुमताने निवडून आले आहेत. तर विधिज्ञ विकास पॅनला सचिव पदावर आपला शिक्कामोर्तब करता आला, तर सहसचिव पदावर अपक्ष उमेदवाराने विजय खेचून आणला. चुरशीच्या झालेल्या या अटीतटीच्या निवडणूकीत सर्वसमावेशक समतावादी पॅनलचे उदगीर विधिज्ञ संघाच्या अध्यक्षपदी ॲड .आनंद पंढरीनाथ मुंढे तर उपाध्यक्षपदी ॲड .गितानंद गोविंदराव अक्कनगिरे हे निवडून आले आहेत.
विजयी उमेदवार पुढील पुढील प्रमाणे
ॲड. आनंद पंढरीनाथ मुंढे (अध्यक्ष), ॲड .गितानंद गोविंदराव अक्कनगिरे (उपाध्यक्ष), ॲड . चंद्रशेखर वामनराव भोसले (सचिव), ॲड . शरदचंद्र शेषराव पाटील (सहसचिव), ॲड . विजयकुमार सुभाष पाटील माने (कोषाध्यक्ष), ॲड . अमोल तुकाराम कळसे (ग्रंथालय सचिव) या उमेदवारांनी दणदणीत विजय मिळविला, तर तत्पूर्वीच ॲड संतोषीमाता मारुती सुर्यवंशी (महिला उपाध्यक्षपदी), ॲड .अश्लेषा चंद्रकांत बिरादार (महिला सहसचिव), ॲड. वर्षा पंकज कांबळे (महिला प्रतिनिधी) हे बिनविरोध निवडून आले आहेत.
यावेळी निवडणूक निर्णय अधिकारी म्हणून ॲड . महेश माशाळकर यांनी काम पाहीले, तर सहाय्यक म्हणून ॲड.संदीप भांगे यांनी सहकार्य केले. विजयी उमेदवारांचा सत्कार जेष्ठ विधिज्ञ ॲड.एस.टी.पाटील,ॲड.भरत. एम.गुंडरे,ॲड.बालाजी पाटील,ॲड .
बाळासाहेब नवटक्के, ॲड . तानाजी केंद्रे,ॲड.सोपनराव धोंड ,ॲड.तोबरे , ॲड.बी. एन. बोळे यांच्या प्रमुख उपस्थितीत सत्कार करण्यात आला.