ट्रक चालकास लुटणारे तीन आरोपी गजाआड

चाकूर पोलिसांची कामगिरी

चाकूर (कैलास साळुंके) : चाकूर पोलीस स्टेशनच्या हद्दीत येत असलेल्या नांदेड ते लातूर रोड वर एक ट्रक चालक नांदेड ते कोल्हापूर मार्गे जात असताना तीन अज्ञात इसम मोटारसायकल वर आले व गाडी समोर मोटरसायकल आडवी लावून त्या ट्रक चालकास मारहाण करत जवळील पैसे व मोबाईल घेऊन पळून गेले. या प्रकरणी चाकुर पोलिसांनी सदर तीन इसमांना काही तासातच गजाआड केले आहे.

दि. 4 जानेवारी रोजी रात्री साडेदहाच्या सुमारास एक ट्रक चालक गाडी क्रमांक एम एच 26 बीई 3100 हा नांदेड ते कोल्हापूर जनावरांचे खाद्य घेऊन जात होता. त्यावेळी नांदेड ते लातूर रोड वर असलेल्या सुभाष चंद्र बोस अकॅडमीच्या जवळ तेलगाव मोड जवळ अज्ञात तीन इसम एका डिस्कवर गाडी क्रमांक एम एच 24 एए 9335 या दुचाकी वर आले व मोटरसायकल ट्रक समोर आडवी लावून ट्रकच्या केबिनमध्ये चढून ट्रक चालक व किन्नर ला मारहाण करून ट्रक चालकाच्या खिशातील 4000 रुपये व विव्हो कंपनीचा मोबाईल किंमत अंदाजे 7000 असा एकूण 11000 रुपये जबरदस्तीने काढून घेतले व ट्रक चा काच फोडून तेथून पळून गेले या सदर घटनेबाबत चाकुर पोलीस स्टेशन येथे गुन्हा नोंद करण्यात आला असून सदर इसमांना गजाआड करण्यात आले असून या सदर घटनेच्या कामगिरीत अंमलदार रामचन्‍द्र गुंडरे, संतोष हजारे, बालाजी येसमोड, कांबळे यांनी काम पाहिले.