हडोळती येथे मनोज जरांगे पाटील यांच्या उपोषणाला पाठिंबा देण्यासाठी सकल मराठा समाजाची बैठक

अहमदपूर ( गोविंद काळे ) मुंबई येथे २९ ऑगस्ट रोजी होणाऱ्या मराठा आरक्षण आंदोलनाचे नेते मनोज जरांगे पाटील यांच्या उपोषणाला पाठिंबा देण्यासाठी अहमदपूर तालुक्यातील हडोळती येथे १६ ऑगस्ट रोजी सकल मराठा समाजाची बैठक पार पडली. ही बैठक ग्रामपंचायत सभागृहात आयोजित करण्यात आली होती.
या बैठकीत, मुंबई येथील आंदोलनात मोठ्या संख्येने सहभागी होण्यावर भर देण्यात आला. समाजातील लोकांनी एकत्र येऊन या आंदोलनासाठी व्यापक जनजागृती करावी, असे आवाहन करण्यात आले. हडोळती गावातून जास्तीत जास्त समाज बांधवांनी या उपोषणात सहभागी व्हावे, यावर बैठकीत सखोल चर्चा झाली.
या बैठकीला उपस्थित असलेल्या मराठा समाज बांधवांमध्ये मुंबईला जाण्यासाठी प्रचंड उत्साह दिसून आला. हडोळती येथून शेकडो समाज बांधव आंदोलनात सहभागी होण्यासाठी सज्ज झाले आहेत. बैठकीला मोठ्या संख्येने समाज बांधवांनी उपस्थिती लावली होती, ज्यामुळे या आंदोलनाविषयीचा उत्साह स्पष्टपणे दिसून आला.