विकासरत्न विलासराव देशमुख मांजरा साखर कारखान्यास कृषी तज्ज्ञ राजेंद्रदादा पवार यांची सदिच्छा भेट

लातूर (प्रतिनिधी) : बारामती येथील कृषी विकास ट्रस्ट चे अध्यक्ष राजेंद्र दादा पवार यांनी लातूर येथील विकासरत्न विलासराव देशमुख मांजरा सहकारी साखर कारखाना स्थळी बुधवारी भेट देवून लोकनेते राज्याचे माजी मुख्यमंत्री विलासराव देशमुख यांच्या स्मृतीस्थलावर त्यांनी पुष्पहार अर्पण करून अभिवादन केले. त्यानंतर त्यांनी कारखाना स्थळी प्रशासकीय कार्यालयाला भेट देवून कारखाना स्थळी वेगवेगळ्या योजना कृषी, ऊस, वृक्ष लागवड आदी कृषी विभागाच्या विषयावर राज्याचे माजी मंत्री सहकार महर्षी कारखान्याचे चेअरमन सन्माननीय दिलीपराव देशमुख साहेब यांच्या शी चर्चा केली.

यावेळी राजेंद्र दादा पवार यांचा साखर कारखान्याच्या वतीने व्हाइस चेअरमन श्रीशैल्य उटगे यांच्या हस्ते सत्कार करण्यात आला याप्रसंगी कृषीविद्या प्रतिष्ठान बारामती चे संतोष करंजे, ओमकार ढोबळे उपस्थित होते. याप्रसंगी जागृती शुगर चे उपाध्यक्ष लक्ष्मणराव मोरे, मांजरा साखर कारखान्याचे संचालक अशोक काळे, कार्यकारी संचालक जितेंद्र रणवरे, मांजरा कृषी केंद्राचे डॉ डिग्रसे, डॉ मोहन धुप्पे, प्रा. राजकुमार जाधव, माध्यम जिल्हाध्यक्ष हरिराम कुलकर्णी, रणजीत सिंह जाधव, संभाजी रेड्डी, कुलदीप माने, प्रा. शशिकांत देशमुख उपस्थित होते.