दासराव अणदुरकर लिखित पुस्तकाचे शनिवारी प्रकाशन

लातूर (प्रतिनिधी) : दासराव केशवराव अणदुरकर यांनी लिहिलेल्या ‘भारत: पासष्ट पोलादी पाने अर्थात आक्रमणे आणि स्वातंत्र्यसंघर्ष’ या पुस्तकाचा प्रकाशन सोहळा स्वातंत्र्यदिनाच्या पूर्वसंध्येला संपन्न होणार आहे. भारताच्या ऐतिहासिक घटना क्रमावर आधारित असणारा हा ज्ञानपट असून पुणे येथील चपराक प्रकाशनच्या वतीने ग्रंथ प्रकाशित केला जात आहे.अणदूर येथील हॅलो मेडिकल फाउंडेशनचे अध्यक्ष डॉ. शशिकांत अहंकारी यांच्या अध्यक्षतेत व चपराक प्रकाशन पुणेचे संस्थापक घनश्याम पाटील यांच्या प्रमुख उपस्थितीत हा प्रकाशन समारंभ होणार आहे.छत्रपती चौकानजीक स्वानंद मंगल कार्यालय येथे शनिवार दि.१४ ऑगस्ट रोजी सकाळी ११ वाजता हा कार्यक्रम संपन्न होणार आहे. या कार्यक्रमास उपस्थित राहण्याचे आवाहन यशवंत दासराव अणदुरकर यांनी केले आहे.