मटका जुगाराला आळा ! पोलिसांच्या जुगार विरोधी कारवाया गुन्हे दाखल

उस्मानाबाद ( सागर वीर ) : मेहराज शेख, रा. वैराग नाका, उस्मानाबाद हे दि. 10 ऑगस्ट रोजी राहत्या परिसरात कल्याण मटका जुगार चालवण्याचे साहित्य व 1,030 ₹ रोख रक्कम बाळगलेले उस्मानाबाद (श.) पो.ठा. च्या पथकास आढळले. तर अजित व्हनाजे, रा. भुसणी, ता. उमरगा हे दि. 11 ऑगस्ट रोजी गावातील मुरुम रस्त्यावरील चौकात कल्याण मटका जुगार चालवण्याचे साहित्य व 320 ₹ रोख रक्कम बाळगलेले मुरुम पो.ठा. च्या पथकास आढळले. तर अविनाश चेंडके, रा. सोलापूर हे याच दिवशी तामलवाडी येथील एका ढाब्याच्या मागे मुंबई मटका जुगार चालवण्याचे साहित्य व 870 ₹ रोख रक्कम बाळगलेले तामलवाडी पो.ठा. च्या पथकास आढळले. यावरुन पोलीसांनी जुगार साहित्यासह रक्कम जप्त करुन नमूद तीघांविरुध्द महाराष्ट्र जुगार प्रतिबंध कायद्यांतर्गत संबंधीत पो.ठा. येथे गुन्हे नोंदवले आहेत.