महात्मा फुले महाविद्यालयात राजीव गांधी यांना अभिवादन

अहमदपूर (गोविंद काळे) : भारताचे माजी पंतप्रधान राजीव गांधी यांना जयंतीनिमित्त येथील महात्मा फुले महाविद्यालयात अभिवादन करण्यात आले. महाविद्यालयाचे प्राचार्य डॉ. वसंत बिरादार पाटील यांच्या अध्यक्षतेखाली झालेल्या या कार्यक्रमात सुरुवातीला माजी पंतप्रधान राजीव गांधी यांच्या प्रतिमेचे पूजन करण्यात आले. त्यानंतर महाविद्यालयाचे प्राचार्य डॉ. वसंत बिरादार पाटील यांनी सद्भावना दिनानिमित्त उपस्थित सर्वांना सद्भावनेची शपथ दिली. या कार्यक्रमाचे प्रास्ताविक व सूत्रसंचालन सांस्कृतिक विभाग प्रमुख डॉ. बब्रुवान मोरे यांनी केले तर आभार प्रदर्शन डॉ सतिश ससाणे यांनी केले. यावेळी महाविद्यालयाचे उपप्राचार्य डॉ. डी. डी. चौधरी, क्रीडा विभाग प्रमुख डॉ. अभिजीत मोरे, ग्रंथपाल प्रा. परमेश्वर इंगळे, डॉ. अनिल मुंढे, कार्यालय प्रमुख प्रशांत डोंगळीकर आदींसह सर्व प्राध्यापक व कर्मचारी कोविडचे नियम पाळून उपस्थित होते.