सम्राट चंद्रगुप्त मौर्य इंटरनॅशनल स्कूल येथे दहीहंडी सजावट स्पर्धेचे आयोजन

अहमदपूर (गोविंद काळे) : सम्राट चंद्रगुप्त मौर्य इंटरनॅशनल स्कूल रुद्धा ता. अहमदपूर यांच्या सौजन्याने ‘दहीहंडी सजावट स्पर्धेचे’ आयोजन करण्यात येत आहे सदरील स्पर्धा पुढील गटात घेतल्या जाणार आहेत ‘अ’ गट 1 ली ते 4 थी, ‘ब’ गट 5 वी ते 7 वी ‘क’ गट 8 वी ते पुढील सर्व , खुला गट हा पालकांसाठी असणार आहे. ही स्पर्धा दिनांक 31/08/ 2021 रोजी वार मंगळवार दुपारी 12:00 वाजता घेतली जाणार आहे. कोरोनाचे सर्व नियम पाळून सदरील स्पर्धा घेतल्या जाणार आहेत या स्पर्धेत सहभागी होण्यासाठी आपापल्या दहीहंड्या घरूनच सजवून आणाव्यात. ‘टाकाऊ पासून टिकाऊ’ तसेच सुरेख, आकर्षक व कमी खर्चात सादर करण्यात आलेली दहीहंडी उत्कृष्ठ समजली जाईल. या स्पर्धेत प्रथम द्वितीय व तृतीय येणाऱ्या विद्यार्थ्यास विशेष पारितोषक देऊन गौरवण्यात येईल. अहमदपूर तालुक्यामधील सर्व शाळा आदरणीय पालक व विद्यार्थी यांना गोकुळाष्टमीच्या निमित्ताने दहीहंडी सजवण्याच्या स्पर्धेत सहभाग नोंदविण्याचे आवाहन संचालक कुलदीप हाके यांनी केले आहे या स्पर्धेत सहभागी होण्यासाठी प्रवेश फी 50/- रुपये भरून नाव नोंदवणे आवश्यक आहे नाव नोंदणी करिता बालाघाट शैक्षणिक संकुल लातूर-नांदेड हायवे रुद्धा ता. अहमदपूर येथे संपर्क साधावा. किंवा पुढील मोबाईल नंबर वर संपर्क साधून नाव नोंदवावे असे आवाहन करण्यात आले आहे.