श्यामलाल शिक्षण संस्थेच्या निवडणुका बिनविरोध, अध्यक्षपदी अॅड. आर्य तर सचिवपदी ऍड संकाये

उदगीर (प्रतिनिधी) : उदगीर येथील हुतात्मा भाई शामलाल जी यांच्या नावाने कार्यरत असलेली श्यामलाल स्मारक शिक्षण संस्था ही सन 1950 पासून कार्यरत आहे. शैक्षणिक पंढरी म्हणून उदगीरचा नावलौकिक होण्यासाठी या संस्थेचे मोठे योगदान आहे. या संस्थेच्या त्रैवार्षिक निवडणूक नुकत्याच संपन्न झाल्या असून त्यात अध्यक्षपदी अॅड.सुपोषपाणि आर्य, उपाध्यक्षपदी गिरीष मुंडकर, सचिवपदी ऍड विक्रम संकाये, सहसचिवपदी सौ. अंजूमनी आर्य यांची बिनविरोध निवड झाली. या निवडीबद्दल उदगीरच्या शैक्षणिक वातावरणामध्ये आनंदोत्सव साजरा करण्यात आला. शैक्षणिक प्रगतीसाठी आपण कायम कार्यरत राहणार असल्याचे अॅड.आर्य यांनी याप्रसंगी सांगितले. केवळ संस्थेचाच नव्हे तर संपूर्ण महाराष्ट्राचा सन्मान वाढणारी कार्यप्रणाली आपण राबवू, असाही विश्वास त्यांनी याप्रसंगी दिला. निवडणूक निर्णय अधिकारी म्हणून डॉ. पोरे यांनी काम पाहिले. या बिनविरोध निवडीबद्दल संस्था सदस्य तथा शिक्षक, विद्यार्थ्यांनी नूतन पदाधिकाऱ्यांचे अभिनंदन केले आहे.