सारश्यात संत गणेशनाथ जनसेवा पॅनलचा एकतर्फी विजय

बब्रुवान पवार यांचा पुढाकार : नऊ जागेवर एकतर्फी विजय झाल्याने जल्‍लोष साजरा

लातूर (प्रतिनिधी) : लातूर तालुक्यातील सारसा येथे संत गणेशनाथ जनसेवा पॅनल व श्री.संत गणेशनाथ युवा परिवर्तन पॅनल यांच्यामध्ये झालेल्या चुरशीच्या लढतीत संत गणेशनाथ जनसेवा पॅनलने एकतर्फी विजय मिळविला आहे. एकून नऊ पैकी नऊ जागेवर एकतर्फी विजय मिळविला असल्यामुळे विजयी उमेदवारांचा भाजपा नेते तथा माजी आ.शिवाजीराव पाटील कव्हेकर यांच्याहस्ते कैलास निवासस्थानी सत्कार करण्यात आला.

भाजपा नेते तथा माजी आ.शिवाजीराव पाटील कव्हेकर यांच्या नेतृत्वाखाली संत गणेशनाथ जनसेवा पॅनल तयार करण्यात आला. यामध्ये प्रभाग 1 मधून अशोक पंडीत आडसूळ, सुषमा गोविंद तांबारे, यास्मिन अख्तर पठाण, वार्ड 2 मधून बब्रुवान उध्दव पवार, त्र्यंबक काका औषंक, कविता धनराव भिसे, वार्ड 3 मधून परमेश्‍वर मगन भिसे, ज्योती हणमंत भिसे, शालन भारत चव्हाण, अशा एकूण 9 उमेदवारांनी श्री.संत गणेशनाथ युवा परिवर्तन पॅनलचा दणदणीत पराभव करून एकतर्फी विजय मिळविला. या पॅनलच्या विजयासाठी श्रीधर रावसाहेब पवार, कमलाकर पुंडलिक पवार, जमाल गुलाब पठाण, नामदेव वसंतराव भिसे, सुनिल आत्माराम भिसे, अनंत उत्तमराव पवार, श्रीकिशन तुकाराम पवार, भागवत तुकाराम भिसे आदींनी परिश्रम घेतले. त्यामुळे श्री.संत गणेशनाथ जनसेवा पॅनलच्या विजयी उमेदवारांचा भाजपा नेते तथा माजी आ.शिवाजीराव पाटील कव्हेकर यांच्याहस्ते मजगे नगर येथील कैलास निवासस्थानी सत्कार करण्यात आला. यावेळी भाजपा युवा नेते अजितसिंह पाटील कव्हेकर यांची उपस्थिती होती. तसेच सारसा येथील ग्रामस्थांचीही मोठ्या संख्येने उपस्थिती होती.