पालकमंत्र्यांच्या हस्ते निराधारांना मंजुरी पत्रांचे वाटप

लातूर ग्रामीण ‘संगांयो’ समितीच्या कार्याचेही केले कौतुक

लातूर (प्रतिनिधी) : अबाल, वृद्ध, निराधारांना शासनाची मदत घरपोच मिळावी, अशी भूमिका राज्याचे वैद्यकीय शिक्षण व सांस्कृतिक कार्य मंत्री तथा जिल्ह्याचे पालकमंत्री अमित देशमुख यांनी घेऊन तशा सूचना लातूर ग्रामीण संजय गांधी निराधार अनुदान योजना समितीला केल्या. त्यानुसार ‘संगांयो’ समितीने गावोगावी भेटी देऊन ‘संगांयो-इंगांयो’ योजनेसाठी पात्र निराधारांची सर्व अर्ज प्रक्रिया गावातच करुन अर्ज दाखल करुन घेतले. त्या प्रक्रियेचा एक भाग म्हणून देण्यात येणा-या मंजुरी पत्राचे वाटप लातूरचे पालकमंत्री अमित देशमुख यांच्या हस्ते लातूर तालुक्यातील बोरी येथे पात्र निराधारांना करण्यात आले.

सहकारमहर्षी दिलीपरावजी देशमुख, पालकमंत्री अमित देशमुख व आमदार धिरज देशमुख यांच्या मार्गदर्शनाखाली लातूर ग्रामीणची संगांयो समिती लातूर तालुक्यातील निराधारांसाठी विविध उपक्रम राबवीत आहे. अधिकाधिक निराधारांना योजनेत सहभागी होता यावे, यासाठी समितीने पालकमंत्र्यांना केलेल्या विनंतीमुळे वयाच्या पुराव्यासंबंधी अट शिथिल करण्यात आली. तसेच पालकमंत्र्यांच्या सूचनेनुसार कोरोनाचा वाढता प्रभाव असलेल्या काळात लातूर ग्रामीण संगांयो समितीने गावोगावी सुसंवाद बैठका घेऊन निराधारांच्या शंकांचे निरसन केले व समाधान शिबीराच्या माध्यमातून कागदपत्रे व अर्जाची सर्व प्रक्रिया गावस्तरावर करुन घेतली व या प्रक्रियेचा भाग म्हणून पात्र निराधारांना योजनेचे मंजुरी पत्रही समितीच्या वतीने गावस्तरावरच दिले जात आहे. मंजुरी पत्राचे वितरण बोरी येथे पालकमंत्री अमित देशमुख व लातूर ग्रामीणचे आमदार धिरज विलासराव देशमुख यांच्या हस्ते पात्र निराधारांना करण्यात आले. यावेळी लातूर जिल्हा काँग्रेसचे अध्यक्ष श्रीशैल उटगे, ट्वेन्टीवन कारखान्याचे उपाध्यक्ष विजय देशमुख, संगांयो समितीचे अध्यक्ष प्रविण पाटील, बाजार समितीचे उपसभापती मनोज पाटील, लातूर तालुका काँग्रेसचे अध्यक्ष सुभाष घोडके,दगडूसाहेब पडिले, संजय गांधी निराधार योजना समितीचे सदस्य हरीश बोळंगे, विकासरत्न विलासराव देशमुख मांजरा साखर चे संचालक धनराज दाताळ, राजेसाहेब पाटील, सुनील पडिले, उपसरपंच शंकरराव पाटील, सचिन दाताळ,सतिष पाटील, व्यंकटराव पाटील, कमलाकर अनंतवाड, प्रशांत मलवाडे, बालाजी मनदुमले, ज्ञानोबा गवळे, बोगदाद सगरे, अरूण वीर,बंडु पाटील, ज्ञानोबा शेंडगे, लिंबराज पाटील, परमेश्वर पाटील, नानासाहेब पाटील, बालाजी वाघमारे, ज्ञानेश्वर दाताळ, सिद्धेश्वर स्वामी, चंद्रकांत बर्चे, राजेश खाडप, बब्रुवान मलवाडे, शालिक थोरमोटे, काकासाहेब पाटील, मधुकर शिंदे यांच्यासह ग्रामस्थ, निराधार उपस्थित होते.

ग्रामीण भागातील कोणताही निराधार शासनाच्या योजनांपासून वंचित राहू नये यासाठी लातूर ग्रामीण संगांयो समितीने लोकाभिमुख अशा जनजागृती व सुसंवाद बैठका व समाधान शिबीर यासारखे नाविन्यपूर्ण उपक्रम राबवून निराधारांना दिलेल्या आधाराबद्दल प्रविण पाटील व लातूर ग्रामीण संगांयो समितीचे पालकमंत्री ना. अमितजी देशमुख यांनी यावेळी कौतुक केले.