लसाकमच्या वतीने संविधान दिन साजरा

अहमदपूर ( गोविंद काळे ) : येथील क्रांतिवीर लहुजी साळवे कर्मचारी कल्याण महासंघ (लसाकम) तालुका शाखेच्या वतीने २६ नोव्हेंबर संविधान दिन साजरा करण्यात आला.शहरातील विद्युत काॅलनीत घेण्यात आलेल्या कार्यक्रमाच्या अध्यक्षस्थानी लसाकमचे सल्लागार बी.एम.जंगापल्ले तर जिल्हा उपाध्यक्ष ग्यानोबा घोसे,जेष्ठ मार्गदर्शक सुग्रीव बेले,जिल्हा प्रवक्ते नरसिंग सांगवीकर,
ओमप्रकाश तपघाले,चंद्रकांत जंगापल्ले,यश कांबळे,सुरेखा जंगापल्ले,सारीका जंगापल्ले आदींची उपस्थिती होती.उपस्थित मान्यवरांच्या हस्ते भारतीय राज्य घटनेचे शिल्पकार डॉ.बाबासाहेब आंबेडकर यांच्या प्रतिमेचे पूजन करण्यात आले.ग्यानोबा घोसे, नरसिंग सांगवीकर,बालाजी जंगापल्ले आदींनी मनोगत व्यक्त केली.
सर्वोदय विद्यालय खलंग्री येथे कार्यरत असलेले चंद्रकांत भिमराव जंगापल्ले यांना प्रभारी मुख्याध्यापकचा पदभार प्राप्त झाल्याबद्दल ‘लसाकम’ तालुका शाखेच्या वतीने त्यांचा सत्कार करण्यात आला.
कार्यक्रमाचे प्रस्ताविक तालुकाध्यक्ष राजकुमार गोंटे यांनी तर सुत्रसंचालन व आभार विश्वांभर जिवारे यांनी मानले कार्यक्रमाच्या यशस्वितेसाठी अभिषेक जंगापल्ले व प्रतिक्षा जंगापल्ले यांनी परिश्रम घेतले.