काँग्रेसच्या वतीने बिपिन रावत यांना श्रद्धांजली

लातूर (प्रतिनिधी) : तामिळनाडू येथील जंगलात बुधवारी लष्कराचे हेलिकॉप्टर कोसळून भीषण आपघातात देशाच्या तिन्ही सैन्यदलाचे पहिले प्रमुख अर्थात चीप ऑफ डिफेन्स स्टॉप बिपिन रावत यांच्यासहित त्यांच्या पत्नी व वरिष्ठ ११ अधिकाऱ्यांचे दुःखद निधन झाले त्यांच्या जाण्याने देशाचे नुकसान झाले होते त्याबद्दल गुरुवारी सकाळी लातूर येथील काँग्रेस भवन येथे आमदार तथा जिल्हा बँकेचे चेअरमन धीरज विलासराव देशमुख यांच्या उपस्थितीत तिन्ही दलाचे प्रमुख अन्य मृत्युमुखी पडलेल्या अधिकाऱ्यांना भावपुर्ण श्रद्धांजली वाहण्यात आली.

यावेळी जिल्हा काँग्रेसचे अध्यक्ष श्रीशैल्य उटगे, महापौर विक्रांत गोजमगुंडे, जिल्हा बँकेचे उपाध्यक्ष अँड प्रमोद जाधव, माजी महापौर स्मिता खानापुरे, सौ स्वयं प्रभा पाटील, सौ कारेपुरकर, सौ मोरे, अँड देविदास बोरुळे, लक्ष्मण मोरे, डॉ सुधीर पोतदार, प्रा. एकनाथ पाटील, रामभाऊ चामे, सचिन दाताळ, सुरेश चव्हाण, प्रविण कांबळे, प्रवीण सूर्यवंशी,विविध काँग्रेस सेल चे पदाधिकारी कार्यकर्ते मोठ्या संख्येने उपस्थित होते.