महात्मा फुले महाविद्यालयात राष्ट्रीय अल्पसंख्याक हक्क दिवस साजरा

अहमदपूर (गोविंद काळे) : येथील महात्मा फुले महाविद्यालयात आज दि. १८ डिसेंबर २०२१ रोजी अल्पसंख्याक हक्क दिवस साजरा करण्यात आला. याबाबतचे सविस्तर वृत्त असे की, भारत सरकारच्या अल्पसंख्याक मंत्रालय व महाराष्ट्र शासनाच्या उच्च व तंत्रशिक्षण मंत्रालयाच्या आदेशान्वये महात्मा फुले महाविद्यालयात आयोजित करण्यात आलेल्या राष्ट्रीय अल्पसंख्याक अधिकार व हक्कदिनाच्या अध्यक्षस्थानी महाविद्यालयाचे प्राचार्य डॉ. वसंत बिरादार पाटील हे होते तर उपप्राचार्य डॉ. दुर्गादास चौधरी होते. यावेळी डॉ. दुर्गादास चौधरी यांनी अल्पसंख्याकाच्या अधिकार व हक्का संबंधी मार्गदर्शन केले तर कार्यक्रमाचा अध्यक्षीय समारोप प्राचार्य डॉ. वसंत बिरादार पाटील यांनी केला.
या कार्यक्रमाचे प्रास्ताविक व सूत्रसंचलन डॉ.बब्रुवान मोरे यांनी केले तर राष्ट्रीय सेवा योजनेचे कार्यक्रमाधिकारी डॉ.पांडुरंग चिलगर यांनी आभार मानले. यावेळी महाविद्यालयातील प्राध्यापक , कार्यालयीन कर्मचारी व विद्यार्थी कोविड-१९ च्या नियमांचे पालन करून उपस्थित होते.