चिखलीत तरुणाने केली आत्महत्या

पिंपरी (योगीता कोरे, पुणे) : राहत्या घरात गळफास घेऊन तरुणाने आत्महत्या केली. आत्महत्येचे कारण समजू शकले नाही. पाटील नगर, चिखली येथे सोमवारी (दि. ३) सकाळी ही घटना उघडकीस आली. अॅडवीन विमल (वय २२, रा. वृंदावन कॉलनी, पाटील नगर, चिखली) असे आत्महत्या केलेल्या तरुणाचे नाव आहे.

पोलिसांनी दिलेल्या माहितीनुसार, अॅडविन यांनी राहत्या घरात ओढणीच्या सहाय्याने छताच्या पंख्याला गळफास घेतला. सोमवारी सकाळी पावणे अकराच्या सुमारास ही घटना उघडकीस आली. त्यानंतर त्यांना पिंपरीतील वायसीएम रुग्णालयात दाखल करण्यात आले; मात्र उपचारांपूर्वीच त्यांचा मृत्यू झाल्याचे डॉक्टरांनी घोषित केले.