बामणीत प्रस्थापित नेत्यांचा दारुण पराभव; संजय पाटलांच्या जय जगदंबा पॅनलचा दणदणीत विजय
पन्नास वर्षांच्या दीर्घ प्रतीक्षेनंतर तरुणांच्या हाती गावची सत्ता
लातूर (प्रतिनिधी) : पन्नास वर्षांच्या दीर्घ प्रतीक्षेनंतर बामणी ग्रामपंचायत निवडणुकीत गावचे सुपुत्र संजय पाटील यांच्या नेतृत्वाखालील जय जगदंबा जनविकास पॅनलने प्रस्थापित नेत्यांचा दारूण पराभव करत दणदणीत विजय प्राप्त केला आहे.
उच्चविद्याविभूषित बामणी गावचे सुपुत्र संजय पाटील यांनी गावातील गावकऱ्यांच्या अडचणीत नेहमीच अनेकांना मदतीचा हात देत आरोग्य सेवेचा लाभ मिळवून दिला आहे. अल्पावधीतच स्वतःच्या स्वकर्तृत्वाने आपल्या कामाची छाप त्यांनी गावकऱ्यांमध्ये निर्माण करत गावातील व परिसरातील गरजू विद्यार्थ्यांच्या शैक्षणिक अडचणी दूर करण्याचा प्रामाणिक प्रयत्न त्यांनी केला आहे. दीड हजार मतदार असलेल्या बामणीकरांनी त्यांच्या कार्याची दखल घेत गावातील मतदारांनी पन्नास वर्षाच्या दीर्घ प्रतीक्षेनंतर तरुणांवर विश्वास दाखवत 9 पैकी 9 जागेवर जय जगदंबा जनविकास पॅनलला दणदणीत विजयी करत प्रस्थापित नेत्यांचा दारुण पराभव केला आहे.
About The Author
