पादचारी महिलेची सोनसाखळी लंपास

पिंपरी ( प्रकाश इगवे) : अनोळखी चोरट्याने पादचारी महिलेच्या गळ्यातील ७० हजार रुपये किमतीची सोनसाखळी हिसकावली. तळेगाव नगर परिषदेजवळ मोहननगरकडे जाणाऱ्या रस्त्यावर मंगळवारी (दि. ४) सायंकाळी सातच्या सुमारास ही घटना घडली. याप्रकरणी ३८ वर्षीय महिलेने तळेगाव दाभाडे पोलीस ठाण्यात फिर्याद दिली. फिर्यादी महिला त्यांच्या मुलीला ट्युशनवरून घरी घेऊन जात होत्या. तळेगाव दाभाडे नगरपरिषदेच्या बस स्टॉपपासून मोहननगरकडे जाणाऱ्या रस्त्याने जात असताना एका अनोळखी चोरट्याने फिर्यादीच्या गळ्यातील दोन तोळ्यांची ७० हजार रुपये किमतीची सोनसाखळी जबरदस्तीने हिसकावली.