राजमाता जिजाऊ व स्वामी विवेकानंद यांची जयंती श्यामलाल हायस्कूलमध्ये उत्साहात साजरी !

उदगीर : येथील श्यामलाल मेमोरियल हायस्कूल मध्ये राजमाता, राष्ट्रमाता जिजाऊ व स्वामी विवेकानंद यांची जयंती उत्साहात साजरी करण्यात आली. राष्ट्रमाता जिजाऊ यांच्या प्रतिमेस विज्ञान विषय विभाग प्रमुख श्री लिमये सर यांनी पुष्पहार अर्पण करून अभिवादन केले तर युवकांचे प्रेरणास्थान स्वामी विवेकानंद यांच्या प्रतिमेस इंग्रजी विषय विभाग प्रमुख श्री देबडवार संजय यांनी पुष्पहार अर्पण करून अभिवादन केले. तसेच चित्रकला विभाग प्रमुख श्री चव्हाण बालाजी सर व उपस्थित सर्व शिक्षक शिक्षिका यांनी दोन्ही थोर व्यक्तिमत्वास पुष्प अर्पण करून अभिवादन केले. या कार्यक्रमाप्रसंगी रागिनी प्रदीप ढगे व सिंधू गोंडगावे या विद्यार्थिनींनी राष्ट्रमाता जिजाऊ यांच्या जीवन कार्यावर प्रभावी भाषेत ऑनलाइन भाषण केले तसेच “मी जिजाऊ बोलते” हे एक पात्री नाटक ऑनलाइन सादर केले. कार्यक्रमाचे सूत्रसंचालन श्री उमाकांत सूर्यवंशी यांनी केले तर आभार श्री नामदेव हाके यांनी व्यक्त केले. कार्यक्रम यशस्वीरित्या संपन्न झाला.