रोहन उजळंबे हत्या प्रकरण; आरोपीस अटक
एम आय डी सी पोलिसांची माहिती
लातूर (प्रतिनिधी) : लातूर शहरातील विशाल नगर भागात दि. 23 जानेवारी रोजी साई मंदिर या ठिकाणी भर दिवसा इयत्ता बारावी शिकणाऱ्या रोहन उजळंबे या महाविद्यालयीन तरुणाची मोटरसायकलवरून आलेल्या युवकांनी कत्तीने वार करून हत्या केली होती. या हत्या प्रकरणी लातूर पोलिसांचे पथक सोलापूर या ठिकाणी पाठवण्यात आले होते. रविवारी रात्री उशीरा पर्यंत पोलीसांनी सोलापूर परिसरात आरोपीचा शोध घेतला होता. परंतु पोलिसांना आरोपी सापडला नाही. त्यानंतर लातूर पोलिसांनी तपासाची चक्र गतिमान करत आरोपीचा शोध घेण्यास सुरुवात केली असता एका आरोपीस अटक करण्यात लातूर पोलिसांना यश आले असून आरोपी हा अल्पवयीन असल्याची माहिती एम आय डी सी पोलिसांकडून मिळालेली आहे.
About The Author
