अहमदपूर- शिरूर ताजबंद रोड भिषण अपघात; दोघे जण जागीच ठार

अहमदपूर (गोविंद काळे) : शिरूर ताजबंद राष्ट्रीय महामार्ग क्र ३६१ रोड वर थोरलेवाडी पाटी जवळ चार चाकी वाहन मारूती सुझुकी कंपनीची स्विफ्ट डिझायर व होन्डा कंपनीची शाईन मोटर सायकलची समोरा समोर धडक लागुन झालेल्या भिषण अपघातात मोटार सायकल वरील शिरुर ताजबंद येथील दोन युवक जागीच ठार झाले असुन अहमदपूर पोलीसांत अपघाताची नोंद करण्यात आली आहे.

याविषयी सविस्तर माहीती अशी की, अहमदपूर- शिरूर ताजबंद राष्ट्रीय महामार्ग क्रमांक ३६१ रोड वर शहरापासुन जवळ असलेल्या थोरलेवाडी पाटी जवळ अहमदपूर कडून लातुरकडे भरधाव वेगाने जाणारी चार चाकी वाहन मारूती सुझुकी कंपनीची स्विफ्ट डिझायर गाडी क्रमांक एम.एच २४ ए डब्लु ५३६९ व शिरुर तांजबद कडून अहमदपूरकडे भरधाव वेगाने येणारी होन्डा कंपनीची शाईन मोटार सायकल क्रमांक एम.एच २४ बि.एच ८२८० ची दि २७ जानेवारी रोजी वार गुरूवारी दुपारी अंदाजे ०१: १५ वाजता समोरा समोर जोराची धडक होऊन झालेल्या भिषण अपघातात मोटार सायकल वरील शिरूर ताजबंद येथील रामेश्वर राजेंद्र चव्हाण वय २४ वर्ष व मेघवर्धन ऊर्फ उत्तम ज्ञानोबा डोंगरे वय २५ वर्ष हे दोन युवक जागीच ठार झाले असुन मोटार सायकलचा अक्षर:शहा चेंदामेंदा झाला आहे तसेच चार चाकी वाहनाच्या ड्रायव्हरला सुध्दा गंभीर दुखापत झाल्यामुळे घटनास्थळावर उपस्थित असलेल्या व्यंक्तींनी उपचाराठी तात्काळ लातुर येथे पाठवुन दिले दोन्ही मृत देहाचे शिरूर ताजबंद येथील प्राथमिक आरोग्य उपकेंद्रात शवविच्छेदन करण्यात आले असुन मृतदेह कुटुंबीयांच्या स्वाधिन करण्यात आले. सदरील घटनेची अहमदपूर पोलीसांत अपघाताची नोंद करण्यात आली असुन पुढील तपास पोलीस निरिक्षक नानासाहेब लाकाळ यांच्या मार्गदर्शनाखाली पोह व्हि.बी दिंडगे व पोना बि.टि साळवे हे करीत आहेत.