शहरात चोरट्यांचा धुमाकूळ; चार दुचाकी पळविल्या

पिंपरी (प्रकाश इगवे) : शहरात चोरट्यांचा धुमाकूळ सुरूच असून, वाहनचोरीचे प्रकार यदिवसेंदिवस वाढत आहेत. शहरातून चार दुचाकी अज्ञात चोरट्यांनी चोरून नेल्याचे उघडकीस आले आहे. अक्षयकुमार किशोर चौरसिया (वय ३०, रा. तळेगाव दाभाडे) यांनी चिखली पोलीस ठाण्यात फिर्याद दिली. फिर्यादीने त्यांची दुचाकी २५ जानेवारी (रोजी चिखली येथे पार्क केली होती. आकाश किसन थोरात (वय २५, रा. तापकीर चौक, काळेवाडी) यांनी वाकड पोलीस ठाण्यात फिर्याद दिली. फिर्यादीने त्यांची दुचाकी तापकीर चौक, काळेवाडी येथे २५ ऑक्टोबरला पार्क केली होती. अज्ञात चोरट्यांनी ती

दुचाकी चोरून नेली. लिहाज अन्वर शेख (वय २९, रा. सद्गुरूनगर, भोसरी) यांनी भोसरी पोलीस ठाण्यात फिर्याद दिली. फिर्यादीने त्यांची दुचाकी सद्गुरू कॉलनी, भोसरी येथे पार्क केली होती. अज्ञात चोरट्यांनी ती दुचाकी चोरून नेली. हा प्रकार बुधवारी (दि. २६) रात्री नऊ ते गुरुवारी (दि. २७) रात्री साडेबारा या कालावधीत घडला. योगेश दिगंबर शिंदे (वय ४०, रा. दापोडी) यांनी सांगवी पोलीस ठाण्यात फिर्याद दिली. फिर्यादीने त्यांची दुचाकी बुधवारी (दि. २६) दुपारी पावणेदोनच्या सुमारास गंगानगर, जुनी सांगवी येथे सार्वजनिक रस्त्याच्या कडेला पार्क केली होती. अज्ञात चोरट्यांनी ती दुचाकी चोरून नेली.